!!◄ تغيرات السينما فى 10 سنوات

من طرف حبيبه مجروحه 08/02/08, 12:24 pm

السينما فى ايامنا الاخيره شهدت تتطورات وانقلابات وتغيرات غريبه وعجيبه ومدهشه جداً

تغير فيها حال السينما عما كانت عليه من قبل تغير نوعيه الافلام وابطالها وايرادتها ومواسمها وشكلها واعلاناتها

تغير كبير اوى ملحوظ جداً وواضح اوى خاصه من بعد سنه 1998 اى من 10 سنوات

فالسينما قبل هذه السنه تختلف تماماً عما بعدها أختلاف نتج عن خلق سوق جديده الا وهى سوق السينما

سوق السينما هذه بدأ اكتشافها بعد الايرادات التى حققها فيلم اسمعليه رايح جاى وكانت حوالى 15 مليون جنيه

طبعا رقم زى ده فى هذه الاوقات التى كان اكبر ايراد فيلم كان يصل لـ 7مليون جنيه وكان يخص الزعيم كمان فى وقت

افلام نجوم تانيه كتيره اوى او كلهم واياً كان اسميهم محمود عبد العزيز ولا أحمد زكى ولا ناديه الجندى ولا يحيى الفخرانى ولا ولا ولا ولا

لم تتعدى حتى حاجز الـ 5 مليون وهذا ما دفع المنتجين لفتح سوق جديده وهى سوق السينما

بدايه من تجربه فيها مجاذفه كبيره اوى من شركه العدل جروب لوضع رايه النجوميه والبطوله لوجوه الى حد ما وجوه جديده

فى فيلم صعيدى فى الجامعه الامريكيه فيلم ضم نخبه من نجوم اليوم تقريبا 7 نجوم ( هنيدى-السقا-منى-غاده-هانى-طارق-فتحى)

وحقق الفيلم ما لايقل على 25 مليون جنيه وهنا كانت الصدمه والتغير الكبير فى حال السينما ككل

فبعد هذا الفيلم فى سنه 1998 اصبح يوجد على ساحه البيزنس بيزنس السينما بيزنيس مضمون المكسب

تغير فكر المنتجين وصناع السينما واتجاهم للنجوم الشابه التى اثبتت كفائتها وظهورها للنور اخيرا فى ادوار البطوله

تغير حال ومجرى السينما وابحت هناك مواسم للسينما بعد ان كانت سداح مداح فبدأت بموسم الصيف وموسم العيدين ومن بعدها موسم

ما بين العيد الكبير والصيف ممكن يتسمى بموسم الربيع

تغير حال الايرادات وبدأ اقل فيلم يحقق فى حدود 5 مليون جنيه اى اصبحت السينما بيزنس عالى اوى ومربح ومغرى

ومساله الربح هذه هى ما غيرت بين نوعيات وتصنيف الافلام حسب ما يطلبه الجمهور

فتغيرت السينما الى كوميديا غريبه الى حد ما كوميديا تافهه كوميدا نظيفه أختفاء الافلام الرومانسيه الى حد ما

ظهور افلام الاكشن والساسبينس وهروب الممثلين من ساحه الكوميديا الضيقه الممتلئه الى ساحه الاكشن والاجتماعى الواقع

تغير النجوم واصبح نجوم الشباب هم اسياد السينما واصبح وجود النجوم الكبار كضيوف شرف ليس اكتر باستثناء الزعيم

تغيرت ادوار العرض وذاد عددها بشده خاصه فى الايام الاخيره فلا يخلو مول اليوم من قاعات عرض سينمات

تغير اذواق الجمهور بسرعه كبيره جداً وأصبح هناك نجوم شباك جمهورهم بيحضروا علشانهم مش علشان افلامهم

دخول السينما كل من هب ودب وغياب الرقابه تماما وانعدام دورها واساسا انا شايف انه مبقاش ليه دور اساسا ملموس ولا من بعيد ولا من قريب

تغير اشكال وانواع الدعايه فتعددت اشكال الدعايه بطرق عديده وشتى بانتشار الاعلان فى القنوات الفضائيه وعمل برامج فى بدايه الامر

على ميكنج الافلام وبدات ميكنج الافلام عباره عن اعلانات ودعايه تانيه للفيلم ومكثفه ليه ده غير أغانى الافلام وغيره وغيره..

تغيرات عديده وعديده وعديده انا شايف ورابطها بسنه 1998 فبعد هذه السنه تغيرت السينما كلياً

تغير انا أرى انه فى مصلحه السينما وأرى ان منحنى تقدم وتميز السينما وتغيرها للاحسن موجب الميل ومتزايد

فبلاش نتحامل على السينما دعنا نعمل مقارنه دائمه

بين السينما فى العشر سنوات الماضيه والسينما فينما قبل ؟

والسينما فى السنه الماضيه وبين السنه الحاليه؟

واذا وجدت ان المقارنه تتميز من سنه على حساب سنه ومن مده على حساب مده

فاعرف ان السينما فى معدل متزايد او متناقص للنجاح